ការប្រើថ្នាំ ប៉ា​រ៉ា​សេ​តា​ម៉ុល

http://cambodiafamaily.blogspot.com/2013/07/blog-post_1493.html

ការប្រើថ្នាំ ប៉ារ៉ាសេតាម៉ុល

ថ្នាំ ប៉ារ៉ាសេតាម៉ុល ( Paracetamol) គឺជាថ្នាំសម្រាប់បំបាត់ការឈឺចាប់ ដែលវាត្រូវបានគេប្រើជាច្រើនបំផុត នៅលើពិភពលោក តាំងពីឆ្នាំ ១៨៩៣ មកម្ល៉េះ។ វាមានឈ្មោះផ្សេងទៀត ដូចជា៖ អាសេតាមីណូហ្វែន ( Acetaminophen), ប៉ាណាដុល(Panadol) , ទីឡេណុល(Tylenol) និង កាល់ពុល(Calpol) ដែលមានទំរង់ជាថ្នាំទឹក សម្រាប់កុមារតូចៗ ។ គេបានចាត់ទុកថាវា មានប្រសិទ្ធភាពជាងថ្នាំអាស្ពីរីន ដែលវាអាចមានផលរំខាន ដែល អាចនឹងបណ្តាលអោយអ្នកប្រើប្រាស់ មានការហូរឈាមក្នុងក្រពះ ។

តើពេលណា ដែលអ្នកគួរប្រើថ្នាំ ប៉ារ៉ាសេតាមុល?
·         ឈឺចាប់
ការឈឺចាប់ គឺជាសញ្ញាមួយ ដែលអាចបង្ហាញថា អ្នកកំពុងមានភាពមិនប្រក្រតី នៅក្នុងខ្លួន។ វាអាច ត្រូវបានគេ ប្រើប្រាស់សម្រាប់ការព្យាបាល អាការៈឈឺចាប់គ្រប់ប្រភេទ។
·         គ្រុនក្តៅ
គ្រុនក្តៅ កើតមានគឺគ្មានអ្វី ក្រៅពីសញ្ញាដែលបង្ហាញថា ខ្លួនប្រាណរបស់អ្នក កំពុងធ្វើការប្រយុទ្ធប្រឆាំង នឹងបាក់តេរី និង វីរុសនោះទេ។ ប៉ុន្តែអាការៈ នេះគឺពិតជាមិនផ្តល់ផាសុក សម្រាប់អ្នកទេ។ ការឈឺចាប់ សាច់ដុំ ក៏ជារឿយៗកើតមានដំណាលគ្នា នឹងអាការៈនេះផងដែរ។ ជាមួយនឹងជំងឺ បេះដូង ឬ ជំងឺសួត វាជា ការគួរដែលអ្នកត្រូវ ទប់ស្កាត់នឹងអាការៈគ្រុនក្តៅនេះ ដោយសារតែវាអាចធ្វើអោយស្ថានភាពជំងឺនេះ នឹង ភាពមានសភាពកាន់តែអាក្រក់ជាងមុន ។

មានកុមារមួយចំនួន អាចនឹងមានគ្រុនក្តៅ ក្នុងកម្រិតយ៉ាងខ្ពស់។ ហើយភាគច្រើន ពួកគេបានប្រើវា តាម រយៈការស៊ុល។ ជាពិសេស នៅពេលដែលពួកគេ មានអាការៈក្អួតចង្អោរផងដែរ ។

កន្លះម៉ោងបន្ទាប់ពីអ្នកបានប្រើប្រាស់វា នោះគ្រុនក្តៅនឹងធ្លាក់ចុះ ក្នុងរយៈពេលប្រហែលជា ៦ម៉ោង ។

តើអ្នកគួរប្រើវាក្នុង កម្រិតប៉ុណ្ណា ?
សម្រាប់ថ្នាំគ្រាប់ ប៉ារ៉ាសេតាមុល ដែលមានកម្រិត ៥០០មីលីក្រាម៖
·         កុមារដែលមានអាយុពី ៦ ទៅ ៩ឆ្នាំ ៖ លេបម្តង កន្លះគ្រាប់, ប្រើ ៤ ទៅ ៦ដងក្នុងមួយថ្ងៃ។
·         កុមារដែលមានអាយុពី ៩ ទៅ ១២ឆ្នាំ ៖ លេបម្តង ១គ្រាប់, ប្រើ ៣ ទៅ ៤ ដងក្នុងមួយថ្ងៃ ។
·         កុមារដែលមានអាយុពី ១២ ទៅ១៥ឆ្នាំ ៖ លេបម្តង ១គ្រាប់, ប្រើ ៤ ទៅ ៦ដងក្នុងមួយថ្ងៃ។
·         មនុស្សពេញវ៍យ៖ លេបម្តង ១ ទៅ ២គ្រាប់, ប្រើ ៦ដង ក្នុងមួយថ្ងៃ ។

គ្រោះថ្នាក់ នៃការប្រើប្រាស់ថ្នាំប៉ារ៉ាសេតាមុល
     ទោះបីជាថ្នាំប្រភេទនេះ អ្នកអាចរកទិញបាននៅគ្រប់ទីកន្លែងក៏ដោយ ក៏អ្នកត្រូវតែមានការប្រុងប្រយ័ត្ន ចំពោះ គ្រោះថ្នាក់ដូចខាងក្រោម ដែលអាចនឹងកើតមាន នៅពេលដែលអ្នកបានប្រើប្រាស់វា ។

    មានមនុស្សមួយចំនួន មានប្រតិកម្មចំពោះថ្នាំប៉ារ៉ាសេតាមុលនេះ ។ពួកគេ អាចមានកន្ទួលក្រហម, មានការ ហើមអណ្តាត ឬ បំពង់ក។
    នៅពេលដែលអ្នកបានប្រើប្រាស់វាក្នុងយៈពេលយូរ (ជាច្រើនខែ ឬ ឆ្នាំ) នោះថ្លើម និង តម្រងនោមរបស់អ្នក នឹងមានការខូតខាត។
    ហើយនៅពេល ដែលអ្នកប្រើប្រាស់វាលើសកំណត់ ថ្លើមរបស់អ្នកនឹងមានការខូចខាតជាអចិន្ត្រៃយ៍ ។ ពេល ដែលអ្នកបានលេបវាម្តងទាំងអស់ ១៦គ្រាប់ នោះអ្នកត្រូវប្រញាប់ប្រាប់វេជ្ជបណ្ឌិត អោយបានជាបន្ទាន់ ឬ ក៏អ្នកត្រូវតែទៅ កាន់បន្ទប់សង្គ្រោះបន្ទាន់ អោយបានភ្លាមៗ។ ហើយប្រសិនបើកុមារបានធ្វើដូចនេះ នោះ ស្ថានភាពនឹងកាន់តែអាក្រក់ឡើង។ កុមារម្នាក់ អាចនឹងស្លាប់ ដោយសារបរិមាណថ្នាំប៉ារ៉ាសេតាមុលប៉ុន នេះ។ ពួកគេអាចរងការបំផ្លិចបំផ្លាញថ្លើមជាដរាប នៅពេលដែលគេលេបនូវបរិមាណថ្នាំ ដែលពួកគេត្រូវ ប្រើក្នុងរយៈពេល ២៤ម៉ោងតែម្តង ក្នុងពេលតែមួយ។ ជាពិសេស អ្នកត្រូវមានការប្រុងប្រយ័ត្ន ចំពោះថ្នាំ ប៉ារ៉ាសេតាមុល ប្រភេទទឹក ដែលមានរសជាតិផ្អែម។
    ការប្រែប្រួលដំណើរឈាមរត់, គ្រុនក្តៅខ្លាំង, ការឈឺក និង ដំបៅក្នុងមាត់ អាចជាផលរំខាន ដែលអាចនឹង កើតមានចំពោះអ្នក នៅពេលដែលអ្នកបានប្រើវាច្រើនពេក។
    នៅពេលដែលអ្នកប្រើថ្នាំប៉ារ៉ាសេតាមុលញឹកញាប់ពេក នោះអ្នកនឹងកើតមានអាការៈឈឺក្បាល។ ហើយក៏ ប្រហែលដោយសារតែអ្នក មានការឈឺក្បាល នោះអ្នកនឹងលេបវាមួយគ្រាប់ ហើយមួយគ្រាប់ទៀត។
    វាពិតជាចាំបាច់ណាស់សម្រាប់អ្នក ដោយអ្នកមិនត្រូវប្រើវាអោយ លើសពីវេជ្ជបញ្ញានោះទេ។ វាមានភាព ងាយស្រួលក្នុងការលេបវា ក្នុងបរិមាណដ៏ច្រើន ហេតុដូចនេះវាត្រូវបានប្រើសម្រាប់ការប៉ុនប៉ងធ្វើ អត្តឃាដ។ តែទោះជាយ៉ាងណាក៏ដោយ ការស្លាប់ដោយសារការប្រើប្រាស់វា លើសកម្រិត គឺធ្វើអោយ ជនរងគ្រោះ ស្លាប់យ៉ាងយឺត និង មានការឈឺចាប់បំផុត។
    ប៉ារ៉ាសេតាមុល អាចនឹងមានគ្រោះថ្នាក់ ប្រសិនបើអ្នកប្រើប្រាស់វាជាមួយនឹងថ្នាំ ផ្សេងៗដទៃទៀតដូចជា៖ ក្លរ៉េមហ្វេណីកុល ( Chlooramfenicol ) ដែលគេប្រើសម្រាប់ការចំលងរោគពពួកបាក់តេរី, ហ្សីដូវូឌីន (Zidovudine ) ប្រើសម្រាប់ព្យាបាល ជំងឺអេដស៍។ ហើយការប្រែប្រួលដំណើរឈាមរត់នឹង កើតមាននៅពេលដែល អ្នកប្រើប្រាស់វា រួមជាមួយ នឹង ស្រា ឬ ថ្នាំសណ្តំ នោះអ្នកនឹងមានការវិវត្តន៍នូវ ការខូចថ្លើមក្នុងពេលឆាប់ៗនោះ។

តើនៅពេលណា ដែលអ្នកគួរទទួល យកដំបូន្មាន?
     ទោះបីជាវាមានភាព ងាយស្រួលក្នុងការប្រើប្រាស់ វានៅតែជាថ្នាំមួយប្រភេទ ដែលអ្នកត្រូវតែមានការប្រុង ប្រយ័ត្នក្នុងការប្រើប្រាស់វា។ ក៏ដូចជាថ្នាំដទៃទៀតផងដែរ នៅពេលដែលអ្នកបានប្រើវាហើយ តែអ្នកនៅតែបន្តមាន ការឈឺចាប់ នោះអ្នកត្រូវតែទៅជួបនឹងវេជ្ជបណ្ឌិត ។

    គ្រោះថ្នាក់នៃការប្រើប្រាស់ថ្នាំប៉ារ៉ាសេតាមុលជាច្រើនករណី បានកើតមានជារៀងរាល់ឆ្នាំ ។ តែងតែ អាននូវ ការណែនាំ នៅពេលអ្នកចាប់ផ្តើមប្រើប្រាស់វា។ នៅពេលដែលអ្នកបានប្រើវា ដូចតាមដែលវាត្រូវអនុញ្ញាតអោយ ប្រើ នោះវាកម្រនឹងកើតមានបញ្ហាអ្វីនោះទេ ប៉ុន្តែចូរចងចាំថា វាមិនមែនជាថ្នាំ ធម្មតាមួយនោះទេ៕

ការប្រើថ្នាំ ប៉ារ៉ាសេតាម៉ុល

កូនខ្មែរសំរាប់អ្នក

Random post